Monday, March 7, 2011

知錯


大力關門,嘭,然後很快很快跑回家,怒火冲天,坐下來終於冷靜,知道他也不好受。冷靜後知道自己又為小事發脾氣,脾氣仲越來越大,收唔返,傷害感情,唉,EQ好低。對唔住,講唔出口,sorry, 都講唔出,怎知他還走過來問做錯什麼?要我提醒,好讓沒下次,oh......你的容忍,諒解,我深深知錯。感謝你,我會改,我真的會改,俾時間我。

Thursday, March 3, 2011

熊貓.......鬼..


連開幾晚夜,攪盡腦汁,扭盡六壬,只為驚世任務,不過.......自知頭round必定送死,冷水照頭淋,無計。距離review不足十五分鐘,心情就如行刑前,欏欏戀,再加又倦又眼瞓,正呀。

Monday, February 28, 2011

Lovely time


是,是,是,承認抄襲,看過好友分享與愛人步伐照片,甜,一心訂下當自己有機會,一定要跟足照抄,老友都沒情講,哈,相信老友唔會介意。順道曬命,這陣子,真的很甜,很想跟你說一句,謝謝你!

Long time no see...


哈,很久沒來,再次看完至愛電影後,心血來潮要上來看看,哇,差不多兩年沒來。再查看其他blogger fd, 原來也都很久沒來,一番熱潮已過, 又怎會有人看到呢?又可能所有人的心已飛去facebook, 對blog已沒大興趣。Right, facebook實在太好用,仲有成班best or no best friend欣賞自己嘔心瀝血,自覺風趣幽默嘅肺腑之言,絕對是一個萬眾矚目的舞台,GOOD ar..自己回看舊post, 都覺得十分無聊,又想被看,又怕被看。有多少人心態跟我相似呢?

Monday, January 5, 2009

請必攀爬

要知道自己既能力去到邊,先好問自己想去邊,人人都想向上爬,我郤總走回以前,一日未解開心結,一日都冇本事再爬。真的,真的沒想過自己腦子閉塞程度去到咁嚴重,一向覺得自己看得開,為人開朗,做事有決心.....真的大錯特錯,唉...不禁對自己作一聲唉氣。再次希望新一年會有望穿天空,重拾精彩的開始!!!加油ar.......快d訓著la

Thursday, October 23, 2008

溫故之新


冇係blog寫野都有幾個月,就連電腦都沒開很久,是因為這陣子心情好了,每晚都有覺好訓,原因只是太忙太倦,就再唔需要打發時間在網上,再次上來,未必是好事,只是睡不著的後遺症,用了一個小時去看好朋友的blog, 看得出他們已經好大改變,最重要是向好方面,有的已經重投愛河,有的已經忘記過去,重新做人,好!證明時間係可以淡忘痛苦,又或者帶來新生機會,我呢???為什麼心中結還未能打開,自找麻煩的自己,夠竟還要浪費幾多時間,先可以重獲新生呢?看不開的人...自找煩腦的人...不可憐,不同情!

Monday, October 6, 2008

新Blog開業


hehe....睇完又諗,諗完又想,想完又攪,終於開左自己個blog喇,恭喜恭喜...心思思想開好耐架喇,次次睇完人地寫野,自己又想寫下,但自知文筆太差,未敢獻醜,所以...此blog只會給最最要好兼近親好友睇,故你有緣睇到呢段文章,相信你已經係我心目中地位非一般架喇,恭喜恭喜...慢慢黎,我會將我心裡面既秘密一一係呢道揭開。睇住黎,從未暴光既心事...即將赤裸裸地演出...HAHA